謝謝各位巴打，幸得沿途有你們
一次聚會入面，唔知邊個講左一句：「如果今年每個人都出到一本書就正。」，然後我地相望而笑，眼入面有希望，亦帶有怕失望。
今日走左一遍書展，終於買齊大家作品，放埋一齊，有一種莫名感動，大家除左圓自己夢之外，仲完咗大家一個共同嘅夢想。
我地雖然唔係時時親近，但呢條開荒路，沿途都有大家存在（仲有一眾高登寫手），就算將來網絡小說實體化呢條路係興起定覆亡，都有我地留低嘅呢一筆。
另外仲買咗孔明同上帝，等埋無忌黙妹再一次post。
張晨，係呀，因為你靚仔，所以我特登反轉你本書。